My Mad Magic World: 2018

Sunday, 9 September 2018

விரல்பிடித்து இழுத்துசென்று
இருயுக மகிழ்வை
உறுதிசெய்கிறாய்
நடைப்பழகி..

- நிலா

கண்சிமிட்டலுக்கு
முற்றுப்புள்ளி வைக்கிறாய்

எதிரே நின்று..

- நிலா

உன்னையே காட்டியதாம் கண்கள்
மரணத்தின் வாக்குமூலம்..

- நிலா

உயிர் களவு போகட்டும்
உனை தீண்டிய காற்று
எனை தீண்டும் வரை..

- நிலா

தன்னை தாங்க
செருப்பும் இல்லை

உலகின் பசி தாங்க
வெயில் வயலில்
இறங்கினான் விவசாயி..

- நிலா

பூக்களை செல்லமாய் அடித்து
நடனம் பழக்குகிறாள்
பூங்காற்று

- நிலா

கற்றேன்
மெய்நிகர் உண்மையை
நீயில்லா பயணத்தில்..

- நிலா

எத்தனை குறைகள் என்னவளிடம்!
இருப்பினும்

ஒப்பிடக்கூட முடியாது
எவளுடனும்..

- நிலா

காற்றே சற்று இளைப்பாறு
அவள் எழாமல்
ஜன்னல் திறவாது..

- நிலா

அவளிடமில்லா திமிரை
அவளை சுமக்கும்
அவளது பாதணி சுமக்கிறதே..

- நிலா

வள்ளுவன் உனை கண்டுருந்தால்
எழுத்துப்பிழைக்கு கூச்சம் கொள்ளாமல்
உன் குரலை களவாடியிருப்பான்..

- நிலா

அவள் கொண்ட
ரோஜா பூங்கொத்தில்
ஒற்றை மோதிரம்..

- நிலா

அசையும் சொத்து அவளை
காணும் விழிகள்
அசையா சொத்தாய்..

- நிலா

தினம் தினம்
அவளோசையில் கண் விழிக்க..
நாடினேன் எழுப்போசையை..

- நிலா

எனை பிரிகையில்
நீரோவியமானது அவள் விழிகள்..

- நிலா

அவளது மடியில் உறங்கையில்..
கருவறை வாசம்..

- நிலா

தனது சந்தை மதிப்பை கூட்ட
அவளுடன் ஒப்பிட்டு எழுத
விண்ணப்பித்தது நிலவு

- நிலா

ஒட்டி பிறந்த அழகையும் கர்வத்தையும்
பிரித்த பெருமை
அழகி அவளையே சேரும்..

- நிலா

அவளது ஒற்றை பிழை
பிழையில்லா அவளே..

- நிலா